इतरांना इम्प्रेस करण्यापेक्षा स्वतःसाठी जगणे (आर्थिक स्वातंत्र्याचा मार्ग?) | The Path to Financial Freedom?

कल्पना करा, तुम्ही आर्थिकदृष्ट्या पूर्णपणे सक्षम आहात. तुमच्याकडे पुरेसे पैसे आहेत ज्यामुळे तुम्ही एक आरामदायी जीवन जगू शकता. पण या पैशांसोबत तुम्हाला आर्थिक स्वातंत्र्य (Financial Freedom) देखील मिळालं आहे.

पण हे सगळ असताना तुमच्याकडे एक अशी शक्ती आहे जी तुम्हाला इतरांच्या मतांची आणि प्रशंसेची गरज नाहीशी करते. तुम्हाला कोणाला इम्प्रेस करण्याची गरज वाटत नाही, कोणी तुमच्याबद्दल काय विचार करते याची तुम्हाला काळजी नाही किंवा काही फरक पडत नाही.

जर तुम्ही अशी लाइफ जगत आहात तर तुम्ही अगदी योग्य मार्गावर आहात. कदाचित संगळ्यांकडे आता पुरेसा पैसा नसेल पण तो पण तुम्ही नक्कीच मिळवाल जर तुम्ही इतरांना इम्प्रेस करायच्या भानगडीत पडणार नाही.

जॉइन टेलीग्राम चॅनल 👉 @marathifinance

आजकाल दुनिया कशी चालते? 

आजच्या जगात, अनेकदा असे दाखविले  जाते की यशस्वी आणि आनंदी जीवन जगण्यासाठी तुम्हाला सतत जास्त खर्च करणं गरजेचं आहे. मोठं घर, महागडी गाडी, किमती कपडे – यांसारख्या भौतिक वस्तूंचा ढीग जमा करणं हेच यशाचं प्रतीक मानलं जातं. पण खरं तर, खरी संपत्ती या भौतिक वस्तूंमध्ये नाही तर आर्थिक स्वातंत्र्य (Financial Freedom) आणि मनःशांतीमध्ये आहे.

तुम्ही तुमचा पैसा कसा खर्च करायचा हे ठरवणं तुमच्या हातात आहे. तुम्ही इतरांना इम्प्रेस करण्यासाठी पैसे खर्च करू शकता किंवा आर्थिक स्वातंत्र्य (Financial Freedom) गाठण्यासाठी गुंतवणूक करू शकता आणि मग त्याचा वापर स्वतःसाठी आणि आपल्या प्रियजनांसाठी करा, इतरांना इम्प्रेस करण्यासाठी नाही.

तर मग तुम्ही हे “इतरांना इम्प्रेस करण्याचं” माइंडसेट कसं बदलू  शकता?

1. तुमच्या मूल्यांचा शोध घ्या:

सर्वात प्रथम, तुम्हाला खरंच काय आनंद देते ते समजून घ्या. तुम्हाला ट्रॅवल करायला आवडत का? नवीन स्किल्स शिकायला आवडतात का? गावी जाऊन शांतपणे राहणं आवडतं का? या गोष्टींचा विचार करा. लक्षात ठेवा, आर्थिक स्वातंत्र्य (Financial Freedom) गाठल्यानंतरच तुमच्यासाठी खरंच महत्त्वाच्या असलेल्या गोष्टींवर पैसे खर्च करणं तुम्हाला शक्य होईल.

2. तुमच्या जीवनशैलीचा खर्च नियंत्रित करा:

जसे तुमचं उत्पन्न वाढेल तसे तुम्हाला जास्त खर्च करण्याची इच्छा होईल. अनेकदा अनावश्यक खर्चही होऊ शकतात. त्यामुळे तुमचे खर्च कायदेशीरपणे नियंत्रित करा आणि फक्त गरजेच्या गोष्टींवरच पैसे खर्च करा. भविष्यासाठी पैसे वाचवा आणि आर्थिक स्वातंत्र्य (Financial Freedom) गाठण्यासाठी गुंतवणूक करा.

3. वस्तूंऐवजी विविध अनुभव घ्या:

नवीन फोन किंवा महागडी गाडी काही दिवसांसाठी तुम्हाला आनंद देऊ शकते, पण तुम्ही तुमच्या कुटुंबासोबत घालवलेला वेळ, त्यांच्यासोबत केलेले प्रवास आणि त्यातून निर्माण झालेल्या आठवणी तुम्हाला आयुष्यभर आनंद देतील.

निष्कर्ष 

खरी संपत्ती म्हणजे तुमच्या बँक खात्यात असलेला पैशांचा ढीग नाही तर तुमच्या हातात असलेलं स्वातंत्र्य आहे. इतरांना इम्प्रेस करण्याच्या दबावशिवाय तुम्ही तुमचं जीवन जगू शकता. म्हणून तुमचा पैसा आणि तुमचं जीवन तुमच्या आवडीनुसार जगा. तरच त्या पैशाच सार्थक होईल.

इतर महत्वाच्या पोस्ट वाचा 👉तुमच्या टाइम आणि पैशाचा योग्य वापर कसा आणि कुठे कराल ? | How to Use Time and Money Properly in Marathi