Financial Planning Tips: आर्थिक यशासाठी विचार करण्यासारख्या 5 महत्वाच्या गोष्टी , फक्त पैसे कमविणे आणि इन्वेस्ट करणे नाही

Financial Planning Tips in Marathi: आर्थिक यशासाठी विचार करण्यासारख्या पाच महत्वाच्या गोष्टी फायनान्स म्हटलं की आपल्या डोक्यात सगळ्यात पहिले येतं: पैसे कमवा, पैसे वाचवा आणि मग इन्व्हेस्ट करा. हे सर्व महत्त्वाचे आहेच, पण फायनान्स म्हणजे फक्त पैसे कमावणे आणि इन्व्हेस्ट करणे एवढंच नाहीये. यापेक्षा अजून काही गोष्टी आहेत ज्या आपल्या आर्थिक यशात आणि स्थिरतेत खूप मोठा वाटा घेतात. आजच्या या ब्लॉग पोस्टमध्ये आपण फायनान्सच्या दृष्टीने महत्त्वाच्या पाच गोष्टी समजून घेणार आहोत ज्या खूप महत्त्वाच्या आहेत. चला तर सुरुवात करूया.

जॉइन टेलीग्राम चॅनल   @marathifinance

1. तुमची करिअरची निवड

दहावीची परीक्षा झाल्यावर तुम्ही कॉमर्स घेताय की सायन्स, यावर तुमच्या करिअरचा मार्ग ठरणार असतो. तुम्ही कोणतं प्रोफेशन निवडता, त्यावरून तुम्ही किती पैसे कमावणार हे ठरतं. पुरेसे पैसे असतील तर चांगली लाइफस्टाईल तुम्ही जगू शकता. तसेच, जो जॉब तुम्ही करता त्यामुळं लाईफमध्ये फिनान्शिअल स्टॅबिलिटी येते. त्यामुळे कोणतंही करिअर निवडताना नीट विचार करा की लॉंग टर्ममध्ये त्या करिअरला किती स्कोप आहे, त्यामधून किती पैसे कमवता येऊ शकतात, आणि त्या करिअरची फ्युचरमध्ये डिमांड आहे की नाही.

2. तुमचा जोडीदार

लग्न हा फक्त लाईफचा महत्त्वाचा निर्णय नाहीये, तर तो एक महत्त्वाचा आर्थिक निर्णय सुद्धा आहे. तुम्ही कोणत्या व्यक्तीसोबत लग्न करता, यातून तुमची आर्थिक परिस्थिती ठरते. पैशाच्या बाबतीत तुमचे विचार तुमच्या जोडीदारासोबत जुळले पाहिजेत. तुमच्या दोघांच्या खर्च करण्याच्या सवयी जुळल्या पाहिजेत तरच तुम्ही आर्थिकदृष्ट्या स्थिर राहू शकता. त्यामुळे लग्न करताना एक चांगला पार्टनर निवडणे फार गरजेचे आहे, जर तुम्हाला आर्थिक यश हवे असेल तर.

3. तुमचे मित्रमंडळ

तुमचा मित्रपरिवार तुमच्या आवडीनिवडींना खूप इन्फ्लुएन्स करतो. समजा तुमचे मित्र नवीन आयफोन घेतात, सतत बाहेर फिरायला जातात, तर तुम्हालाही त्यांच्या सोबत जावं लागतं आणि तुमचा अनावश्यक खर्च वाढतो. त्यामुळे मित्र निवडताना असे निवडा जे जबाबदार असतील आणि पैशाच्या बाबतीत जाणीवपूर्वक खर्च करतील. आता मित्र निवडताना आपल्याला माहीत नसत की ते कसे आहेत पण एकदा का समजल की ते खूपच खर्चीक आहेत तर त्याच्यापासून लांब राहण्यात भलाई आहे. तुमचे मित्र आणि तुमचे आर्थिक ध्येय एकसारखे असतील तर आर्थिक स्वातंत्र्याच्या प्रवासात तुम्ही एकमेकाला सपोर्ट करू शकता.

ही पोस्ट वाचा  तुमच्या वीकेंडचा वापर आर्थिक स्वातंत्र्यासाठी कसा कराल?

4. तुमचे घर

तुम्ही घर कुठे घेता यावरून तिथे राहण्याचा खर्च, जॉबसाठी उपलब्ध असलेल्या संधी, तसेच जीवनाच्या गुणवत्तेवर खूप फरक पडतो. घर घेताना या सगळ्या गोष्टींचा विचार केला पाहिजे. लोकेशन महाग असेल तर त्याचा परिणाम तुमच्या आर्थिक स्थितीवर होणार आहे. त्यामुळे तुमच्या बजेटमध्ये आणि आवश्यकतांमध्ये बसणारं घर निवडा.

5. तुमचे खाणे (पिणे सुद्धा)

खाणं आणि पैशाचं काय संबंध असं तुम्हाला वाटेल, पण खूप मोठा संबंध आहे. जर तुम्हाला सतत बाहेरचं खाणं, फास्ट फूड खायची सवय असेल तर तुमचा किसा रिकामा होणार आणि भविष्यात तुम्हाला आजारपण येण्याची शक्यता जास्त आहे, ज्यासाठी खर्चही जास्त होणार. पण जर तुम्ही चांगलं, पोषक अन्न खात असाल, तर तुम्ही एक हेल्दी लाइफस्टाइल जगू शकता. म्हातारपणी आजार कमी असतील, त्यामुळे तुमचा आर्थिक भारही कमी होईल.

निष्कर्ष

फायनान्स म्हणजे फक्त पैसे कमावणे आणि इन्व्हेस्ट करणे एवढंच नसून, जीवनातील महत्त्वाच्या निर्णयांचा परिणाम तुमच्या आर्थिक स्थितीवर होतो. करिअरची निवड, जोडीदार, मित्र, निवासस्थान, आणि खाण्याच्या सवयी या पाच गोष्टींचा विचार करून तुम्ही आर्थिकदृष्ट्या अधिक सुरक्षित आणि सुखी जीवन जगू शकता.

ही पोस्ट वाचा  मी नोकरी करतोय पण आर्थिक स्वातंत्र्यासाठी अजून काय केल पाहिजे? 

Frequently Asked Questions

1. फायनान्स म्हणजे फक्त पैसे कमावणे आणि इन्व्हेस्ट करणे एवढंच आहे का?

नाही, फायनान्समध्ये पैसे कमावणे आणि इन्व्हेस्ट करणे महत्त्वाचे आहेच, पण याशिवाय करिअरची निवड, जोडीदार, मित्रमंडळ, घर, आणि खाण्याच्या सवयी या गोष्टींचाही आर्थिक यश आणि स्थिरतेत महत्त्वाचा वाटा असतो.

2. करिअरची निवड आर्थिक यशात कशी महत्त्वाची आहे?

तुमच्या करिअरची निवड तुमच्या उत्पन्नाचे प्रमाण ठरवते. योग्य करिअर निवडल्यास तुम्ही अधिक पैसे कमवू शकता, ज्यामुळे चांगली लाइफस्टाईल आणि आर्थिक स्थिरता मिळवू शकता. लॉंग टर्ममध्ये त्या करिअरला किती स्कोप आहे, याचा विचार करणे गरजेचे आहे.

3. जोडीदार निवडताना आर्थिक बाबींचा कसा विचार करावा?

तुमचे आर्थिक विचार आणि खर्चाच्या सवयी तुमच्या जोडीदारासोबत जुळल्या पाहिजेत. जर दोघांच्या विचारांमध्ये समन्वय नसेल तर आर्थिक समस्या निर्माण होऊ शकतात. त्यामुळे जोडीदार निवडताना त्यांच्या आर्थिक दृष्टिकोनाचा विचार करणे महत्त्वाचे आहे.

4. मित्रमंडळाचा आर्थिक यशावर कसा प्रभाव पडतो?

तुमचे मित्र तुमच्या खर्चाच्या सवयींना प्रभावित करतात. जर तुमचे मित्र अनावश्यक खर्च करत असतील तर तुमचाही खर्च वाढू शकतो. जबाबदार मित्र निवडल्यास तुमच्या आर्थिक ध्येयांमध्ये ते सहकार्य करतील.

5. निवासस्थान निवडताना कोणत्या आर्थिक बाबींचा विचार करावा?

घर कुठे घेताय यावर तिथल्या खर्चाचा आणि जॉबसाठीच्या संधींचा विचार करावा. महाग लोकेशन निवडल्यास आर्थिक ताण येऊ शकतो, त्यामुळे बजेट आणि आवश्यकतांमध्ये बसणारं घर निवडणं गरजेचं आहे.

6. खाण्याच्या सवयींचा आर्थिक स्थितीवर कसा परिणाम होतो?

बाहेरचं खाणं आणि फास्ट फूडमुळे खर्च वाढतो आणि आजारपण येण्याची शक्यता जास्त असते. पोषक अन्न खाल्ल्यास आरोग्य चांगलं राहतं आणि भविष्यातील मेडिकलचे खर्च कमी होतो, ज्यामुळे आर्थिक भार कमी होतो.